Jizzaxdagi YTHda “Nexia-3” haydovchisi vafot etdi
Foto: Jizzax IIB
Jizzax shahrida “Nexia-3” va “Kamaz” oʻrtasidagi yoʻl-transport hodisasi oqibatida 19 yoshli haydovchi halok boʻldi. Bu haqda viloyat Ichki ishlar boshqarmasi xabar berdi.
Maʼlum qilinishicha, voqea kecha, 9-dekabr kuni soat 05:10 lar atrofida Jizzax shahar Xayrobod MFY hududidan oʻtuvchi D-047 “Jizzax shahri—Doʻstlik—Gagarin—M39” avtomobil yoʻlining 5-kilometrida sodir boʻlgan.
Sharof Rashidov tumanida yashovchi 2006-yilda tugʻilgan haydovchi “Nexia-3” rusumli transport vositasini Olmachi-Xayrobod yoʻnalishi boʻylab boshqarib ketayotib, rul boshqaruvini yoʻqotgan. Shundan soʻng, mashina qarama-qarshi yoʻnalishga chiqib ketgan va oʻz yoʻlida harakatlanib kelayotgan “Kamaz” rusumli yuk mashinasi bilan toʻqnashgan.
Hodisa oqibatida “Nexia-3” haydovchisi turli tan jarohatlari bilan Respublika shoshilinch tez tibbiy yordam ilmiy markazi Jizzax filialining jonlantirish boʻlimida vafot etgan.
Tavsiya etamiz
Ko‘p o‘qilganlar
- “Oʻtgan bahsda konsentratsiya biroz joyida emas edi. Shu sababli “jinnicha” xatolarga yoʻl qoʻydik” — Fabio Kannavaro
- AQSH mudofaa xarajatlari tufayli NATO boʻyicha ittifoqchilarini himoya qilishdan voz kechishi mumkin
- Fargʻonada Navroʻz: tinch-osoyishta hayot zavqi, dorilamon kunlar shukronasi...
- Ben Kingsli ishtirok etgan Islom sivilizatsiyasi markazi haqidagi film New York Festivals 2026 finaliga yoʻl oldi
- Shavkat Mirziyoyev Saudiya Arabistoni Podshohligi Valiahdi Muhammad bin Salmon Ol Saud bilan telefon orqali muloqot qildi
- Markaziy Osiyoning intellektual merosini ulugʻlashda yangi bosqich Toshkentda boshlanmoqda — The Washington Post
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring