Foto: Akmal Muhammadov/“Xalq soʻzi”

Toshkentda oʻtkazilgan Markaziy Osiyo mamlakatlari yetakchi ayollari muloqoti majlisi doirasida “Innovatsiyalar, ommaviy axborot vositalari va iqlim siyosatida ayollar ishtiroki – imkoniyatlar va toʻsiqlar” mavzusida toʻrtinchi sessiya boʻlib oʻtdi.

​

Sessiyada Qirgʻiz Respublikasi Jogorku Keneshi Xalqaro ishlar, mudofaa, xavfsizlik va migratsiya qoʻmitasi raisi oʻrinbosari Leyla Lurova moderatorlik qildi.

​

Ishtirokchilar ayollarning ilmiy-texnik va innovatsion loyihalardagi ishtiroki, raqamli transformatsiya, media va iqlim siyosatini shakllantirishdagi roli muhokama qildi.

​

Shuningdek, sessiyada ayollarning innovatsion iqtisodiyot, startap va yangi texnologiyalardagi ishtiroki, iqlim siyosatida qaror qabul qilish jarayonlariga jalb etilishi hamda OAV orqali gender stereotiplarini yengish imkoniyatlari ham koʻrib chiqildi.

​

Sessiya yakunida ishtirokchilar ayollarning rahbarlik va ilmiy-amaliy loyihalarga tayyorgarligini oshirish, mediasavodxonlik va innovatsiya sohasidagi imkoniyatlarini kengaytirish hamda barqaror va inklyuziv jamiyat qurishda ularning ishtiroki uchun aniq takliflar ishlab chiqdi.

​