Foto: Reuters

Yevropa mudofaa vazirlari va generallari Rossiya bilan mumkin boʻlgan urushga asoslangan harbiy mashqlarda ishtirok etishdi. Bu haqda “Politico” nashri xabar berdi.

Taʼkidlanishicha, Norvegiyada oʻtkazilgan mashqlar davomida ishtirokchilardan “Rossiyaning dushmanona harakatlari” haqidagi xabarlarni olgandan soʻng qanday choralar koʻrishlarini aniqlash soʻralgan. Ssenariyga koʻra, mudofaa vazirlari va generallariga voqealar haqidagi gazeta maqolalari, parcha-parcha razvedka maʼlumotlari va ijtimoiy tarmoqlardagi postlar berilgan, ular asosida harbiylar optimal javobni aniqlashlari kerak boʻlgan.

“Bu mamlakatlar — Shimoliy Yevropa davlatlari Rossiya harbiylarining yonida yashaydi. Biz xavflarni eng yaxshi baholay oladigan, tahdidlarga eng yaxshi javob beradigan va NATOni bu tahdidlarni jiddiyroq qabul qilishga majburlay oladigan davlatlarmiz”, — dedi Buyuk Britaniya mudofaa vaziri Jon Xili mashgʻulotlarga izoh berib.

Avvalroq, Polsha Mudofaa vazirligi yangi harbiy tayyorgarlik dasturini ishga tushirganini eʼlon qilgan edi, uning doirasida mamlakat 2026-yilga kelib taxminan 400 ming zaxira harbiy tayyorlashni rejalashtirmoqda. Mamlakat mudofaa vaziri Vladislav Kosiniak-Kamish ushbu dasturni “Polsha tarixidagi eng yirik harbiy mashqlar” deb atagan edi.