Foto: "Xalq so'zi"

“Xalq soʻzi ONLINE”. Hasan Toshxoʻjayev/Toshkent. Oʻzbekiston Respublikasi Prezidenti Administratsiyasi  huzuridagi Axborot va ommaviy kommunikatsiyalar agentligida Xalq taʼlimi vazirligi mutasaddilari bilan oʻtkazilayotgan matbuot anjumanida savol-javoblar qizgʻin oʻtmoqda.

Xususiy va davlat maktablari toʻgʻrisida berilgan savolga xalq taʼlimi vaziri aniq va loʻnda javob berdi.

- Buyuk Britaniyada xususiy maktablarga eʼtibor katta boʻlgani bilan bitiruvchilarning atigi 7 foizi xususiy maktab oʻquvchilaridir, - dedi Sherzod Shermatov. - Bizda oxirgi ikki yilda xususiy maktablar soni toʻrt baravar oshdi, ammo bu hali hech qancha foizni tashkil qilmaydi. Kelgusida hamma yoqni xususiy maktablar bosib ketishidan aslo qoʻrqmaslik kerak.

Davlat maktablariga eʼtibor kamaymaydi. Bizning hozir eng birinchi muammomiz koinotni tadqiq etish emas, maktablarni suv bilan taʼminlashdan iborat. Aksariyat maktablarda elementar narsalar yetishmaydi. Qishda isitish muammo. Shunday holatda kuchli kadrlarni yetishtirish mumkinmi?!, - deb aytib oʻtdi xalq taʼlimi vaziri Sherzod Shermatov.