Andijon viloyati huquqni muhofaza qiluvchi idoralari 9 mart kungi portlash toʻgʻrisidagi xabarga izoh berdilar
Foto: Andijon viloyati IIB tomonidan taqdim etildi.
“Xalq soʻzi ONLINE”. Saminjon Husanov/Andijon. 9 mart kuni ijtimoiy tarmoqlarda Andijon viloyati ichki ishlar boshqarmasi yoʻl harakati xavfsizligi boshqarmasi avtoturargohida avtomashinalar portlab ketganligi toʻgʻrisida xabar tarqalgan edi. Viloyat ichki ishlar boshqarmasidan olingan maʼlumotga koʻra, bu hech bir asosga ega boʻlmagan, yaʼni mutasaddi idoralar tomonidan tasdiqlanmagan axborot boʻlib, hech qanday portlash yuz bermagan.
Lekin voqea joyida yongʻin sodir boʻlganligi rost. “9 mart kuni soat 16:30 larda Andijon shahri, Amir Temur shohkoʻchasida joylashgan avtoturargoh hududida 5 tonnalik yoqilgʻi quyish tizimi atrofiga ehtiyotsizlik tufayli toʻkilgan 10 litr benzin yongan”, deyiladi xabarda.
Viloyat IIB YOXB matbuot xizmatidan maʼlum qilishlaricha, yongʻin xavfsizligi xizmati xodimlari voqea joyiga oʻz vaqtida yetib borganlar va koʻngilsizlikni bartaraf etganlar. Uchqun natijasida yuzaga kelgan yongʻin oqibatida hech kim jabrlanmagan. Ayni paytda mavzuga doir tushuntirish ishlari olib borilmoqda.
Tavsiya etamiz
Ko‘p o‘qilganlar
- “E-ekspertiza” platformasi orqali elektron hujjatlar almashinuvini yoʻlga qoʻyish tartibi tasdiqlandi
- Nodavlat sud-eksperti sifatida faoliyat yuritish yanada soddalashtiriladi
- “Istanbul Bashakshehir” mehmondan gʻalaba bilan qaytdi
- Ukrainaning uch viloyatida portlashlar qayd etildi. Qurbonlar bor
- Bu yil Oʻzbekiston Proligasida 14 ta jamoa ishtirok etadi
- Yanvar oyida yuz nafardan ortiq amerikalik oʻqish uchun Oʻzbekistonga keldi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring