Jorj Vashington universitetida oʻtkazilgan yangi tadqiqotlar shuni koʻrsatdiki, koʻplab mashhur shokolad brendlarida yuqori darajadagi zaharli metallar mavjud. Tadqiqotchilar kakao mahsulotlarining muhim qismi qoʻrgʻoshin va kadmiyning xavfsiz darajasidan oshib ketishini aniqladilar.

Qayd etilishicha, mashhur shirinlik brendlarining mahsulotlarida organik qoʻshimchalar ham yuqori konsentratsiyani koʻrsatgan. Olimlarning bildirishicha, ushbu kashfiyot insonlarda haqli xavotirlarni uygʻotishi kerak, chunki ogʻir metallar sogʻliq uchun jiddiy xavf tugʻdirishi mumkin.

«Leigh Frame» va tibbiyot oliygohi talabasi Jeykob Xends boshchiligidagi tadqiqot sakkiz yil davomida 72 ta kakao mahsulotini tahlil qildi. Ular mahsulotlarning 43 foizi qoʻrgʻoshin uchun xavfsiz darajadan, 35 foizi esa kadmiy uchun xavfsiz darajadan oshib ketganini bilib qolganlar.

Taqqoslash uchun aytish mumkinki, tadqiqot olib borilgan brendlarning shokolatlaridagi zararli moddalar yuvilmasdan pishirilgan yirik baliq va jigarrang guruch kabidir. Ovqatlanish ratsionida ogʻir metallardan butunlay qutilish qiyin boʻlsada, isteʼmol qilishda meʼyorni saqlash salomatlik uchun juda muhim.

Qizigʻi shundaki, tadqiqot organik shokolad mahsulotlarida noorganiklarga qaraganda qoʻrgʻoshin va kadmiy miqdori yuqori ekanligi koʻrsatgan. Bu organik mahsulotlar har doim yaxshiroq ekanligi haqidagi umumiy fikrni shubha ostiga qoʻyadi. Isteʼmolchilar shokolad tanlashda buni bilishlari kerak.

Oddiy odam uchun shokoladlarning bir boʻlagini isteʼmol qilish katta xavf tugʻdirmasligi, biroq muntazam ravishda bir nechta porsiyani isteʼmol qilish yoki ularni boshqa ogʻir metallar manbalari bilan birlashtirish zararli taʼsirga olib kelishi mumkin.

Avvalroq, Genuyadagi Italiya texnologiya instituti tadqiqotchilari plyajlar va bogʻlarda sigaret qoldiqlarini tozalashga yordam beradigan innovatsion robotni ishlab chiqqani haqida xabar berilgandi.