“Тошкент – Рига” йўналишида мунтазам темир йўл қатновини ишга тушириш таклиф этилди

14:29 14 Февраль 2019 Жамият
460 0

Латвия Ўзбекистонга “Тошкент - Рига” йўналишида мунтазам темир йўл контейнер қатновини йўлга қўйишни таклиф этди. Бу ҳақда ушбу мамлакатнинг юртимиздаги элчиси Михаилс Попковс айтиб ўтди.

“Латвия бизнинг портлар орқали Европага ва бутун дунё бўйлаб Ўзбекистон экспорти учун логистика ва етказиб беришнинг кенг имкониятларини таклиф этяпти. Яқинда биз ўзбекистонлик шерикларимизга Алоқа вазирлиги ва “Латвия темир йўли” давлат компаниясининг “Тошкент - Рига” йўналишида мунтазам темир йўл контейнер қатновини йўлга қўйиш бўйича аниқ таклифларини етказдик. Кейин Рига эркин портидаги контейнер терминали орқали юклар қайта ишланади”, - деди элчи.

Унинг сўзларига кўра, Латвиядаги йирик транспорт ва логистика ташкилотлари, жумладан, портлар ва темир йўл компанияси раҳбарлари турли форумларда иштирок этиш учун Ўзбекистон ҳамда Марказий Осиёнинг бошқа давлатларига мунтазам ташриф буюрмоқда. Зеро, уларда ҳамкорликни янада ривожлантириш масалалари ҳам муҳокама қилиняпти.

Яқинда онлайн нашримизда Латвиянинг SIA“SV Gulbis” компанияси Тошкентда темир йўли транспорт-логистика маркази қуришни режалаштираётгани ҳақида хабар бергандик. 

Маълумот учун, Ўзбекистон Латвиянинг Марказий Осиё минтақасидаги етакчи ташқи савдо ва иқтисодий ҳамкори саналади. Ўз навбатида Латвия Ўзбекистон билан товар айланмаси ҳажми бўйича Европа Иттифоқи мамлакатлари ичида Германия ва Италиядан сўнг учинчи ўринда туради.

Латвия Ўзбекистонга кимё саноати, асосан, дори воситалари, турли электр қурилмалари ва механизмларини етказиб берса, Ўзбекистон Латвияга сархил мева ва сабзавотлар ҳамда тўқимачилик маҳсулотлари экспорт қилади.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019