“Ўзбекозиковқатхолдинг” ХК раисига латвиялик маслаҳатчи тайинланди

12:25 16 Май 2018 Иқтисодиёт
1216 0
Фото: radiotrek.rv.ua

Латвиянинг “HANSA Food Commodities” компаниясининг етакчи мутахассиси Янис Скварновикс “Ўзбекозиковқатхолдинг” ХК компанияси раиси Тоҳиржон Жалиловга маслаҳатчи этиб тайинланди. 

У сут маҳсулотлари ишлаб чиқаришга компания раисига ўз маслаҳатларини бериб боради. 

Холдинг компанияси томонидан маълум қилинишича, Янис Скварновикс Жиззах вилоятида қаттиқ пишлоқ ва бошқа сут маҳсулотлари ишлаб чиқариш бўйича амалга оширилиши режалаштирилаётган лойиҳанинг барча босқичида иштирок этади. Шунингдек, ўзбекистонлик соҳа ходимларига тренинглар ўтказиб беради.

“Европалик мутахассиснинг жалб этилишига асосий сабаб маҳсулот сифатини ошириш, савдо ҳажмини кўпайтириш ҳамда экспортни йўлга қўйишдир”, дейилади хабарда. 

Янис Скварновикс Латвияда таълим олган, агроном, ишлаб чиқаришни бошқариш ва ташкил этиш мутахассислиги бўйича бакалавр даражасига эга. 

Тукума сут заводи, Рига сут комбинатини бошқарган, Латвия сут кенгаши бошқаруви раиси, “Eiroholdings” лойиҳалари департаменти директори бўлган. У Украини, Россияда мазкур тармоқдаги корхоналарда ишлаб чиқаришни такомиллаштиришда иштирок этган.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019