Ўзбекистонлик агроном-мутахассислар Жанубий Кореяда малака оширади

11:17 20 Февраль 2019 Иқтисодиёт
139 0

Ўзбекистон Республикаси Фанлар академияси Навоий бўлими ва Жанубий Кореянинг “JongWoo Green Со., LTD” компанияси таъсисчилигида МЧЖ шаклидаги “Jongwoo Green — Navoiy Science” қўшма корхонаси фаолият бошлади.

Ушбу муассаса Навоий, Бухоро ва Самарқанд вилоятларида гидропоника усулида ташкил этилган иссиқхоналарда ишлаётган мутахассисларни ўқитиш, уларнинг малакасини ошириб боришни мақсад қилган. Шунингдек, корхона уч гектарлик янги “ойнаванд дала”ни қуришдан бошлаб тайёр ҳолга келтиришгача бўлган жараённи ўз ичига олган тажриба-амалиётни биргаликда олиб боради. Ушбу замонавий ўқув-тажриба маркази Ўзбекистон Фанлар академияси Навоий бўлими негизида очилди.

“JongWoo Green Со., LTD” компанияси Сеул университетининг агрофакультети олимлари иштирокида ­Навоий шаҳрида ҳамда иссиқхоналар кўп бўлган туманларда сайёр ўқув жараёнларини ташкил этади. Бинобарин, ҳар йили 10 нафар ўзбекистонлик иқтидорли агроном-мутахассис аниқланиб, қўшма корхона ҳисобидан Жанубий Кореяда бепул 3 — 6 ойлик дастурлар асосида малака оширади. Бундан ­ташқари, синовлардан муваффақиятли ўтган тингловчилар Сеул университетининг икки йиллик курсларида ўқитилиши кўзда тутилмоқда.

“Jongwoo Green — Navoiy Science” қўшма корхонасининг Низом жамғармаси 800 минг АҚШ долларига тенг. Фанлар академияси ­Навоий бўлими 25 фоиз улушга эга. У илмий-техникавий ва интеллектуал салоҳияти ҳамда қўшма корхона тўлақонли фаолият кўр­сатиши учун зарур бўлган ўқув хоналарини ажратиш билан иштирок этади.

Фазлиддин АБИЛОВ (“Халқ сўзи”).


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019