Ўзбекистон ва Қозоғистон хорижлик сайёҳларга ҳар икки давлатга ташриф буюриш имконини берувчи туристик мульт

визаларни амалга киритиш тўғрисидаги келишувни имзолаши мумкин.

Бу ҳақда Қозоғистон маданият ва спорт вазири Аристанбек Мухамедиулининг иккитомонлама ҳамкорлик бўйича Ҳукуматлараро комиссия йиғилиши арафасида айтиб ўтган сўзларига таяниб “Интерфакс” ахборот манбаси хабар берди.

Унинг маълум қилишича, тарафлар келишадиган визалар ҳар икки давлат ҳудудида ҳам бир хилда амал қилиши керак. Масалан, шундай виза билан Ўзбекистонга келган сайёҳ Қозоғистонга ҳам бора олсин, ёки шундай виза билан Қозоғистонга борган турист Ўзбекистонга ҳам кела олсин.

Вазирнинг қайд этишича, Қозоғистонга ташриф буюрадиган сайёҳларда Ўзбекистондаги тарихий жойларни ҳам бориб кўриш истаги бўлади ёки Ўзбекистонга келган туристлар Қозоғистондаги диққатга сазовор масканларни томоша қилишни ҳам хоҳлайди.

“Биз келишувга имзо чекамиз ва унинг доирасида ҳукумат қарорини тайёрлаймиз. Биз буни тезлаштиришга масъулмиз”, — деди у.

Вазирнинг айтишича, бундай режалар Ҳукуматлараро комиссия мажлиси кун тартибига киритилган.