Миллий ядро тадқиқотлари университети магистратурасида ўқиш учун ажратиладиган квоталар икки баравар ортади

18:11 18 Февраль 2019 Жамият
631 0

Иллюстратив фото

2019/2020 ўқув йилидан бошлаб “МИФИ” миллий ядро тадқиқотлари университети (MМФИ МТЯУ) магистратурасида ўқиш учун Ўзбекистон Республикасига ажратиладиган квоталар икки баравар ортади ва 30 ўринни ташкил этади. Бу ҳақда “Ўзатом” агентлиги матбуот хизмати хабар берди.

Шу муносабат билан ҳозирги пайтда бакалавриатнинг 4 босқич талабалари ёки физика, энергетика ва иссиқлик техникаси соҳасида бакалавриатни тамомланган мутахассислар орасидан номзодларни танлаш амалга оширилмоқда. Талабалар билимларни яхши ўзлаштириши ва рус тилини билиши зарур.

MМФИ МТЯУ магистратурасида “14.04.01 Ядро энергетикаси ва иссиқлик физикаси” ва “14.04.02 Ядро физикаси ва технологиялари” йўналишлари бўйича ўқиш мақсадида танловда иштирок этиш учун Россотрудничествонинг расмий веб-сайтида мураккаб бўлмаган рўйхатдан ўтиш таомилини бажариши керак. Рўйхатдан ўтиш пайтида муқобил сифатида бошқа университетларни ҳам қўшиш, ва изоҳда “Росатом” линияси деб кўрсатиш керак.

Аризалар 2019 йил 15 январгача қабул қилинган, “Ўзатом” агентлиги ва Россотрудничество ташаббусига кўра аризаларни қабул қилиш муддати 2019 йил 20 февралгача узайтирилди.

MМФИ МТЯУ битирувчилари Ўзбекистон Республикаси атом энергетикаси соҳасида кафолатли ва малакали иш билан таъминланади.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019