Миллиардер Шодиев Сирдарёдаги бунёдкорлик ишлари учун 40 миллиард сўм маблағ ажратди

22:30 10 Апрель 2019 Жамият
1759 0

“Халқ сўзи Online”. Аҳмадали Шерназаров/Сирдарё. Шу йил 9 апрель куни миллиардер Фаттоҳ Шодиев томонидан ташкил этилган “Шодиев халқаро фонди” делегацияси Гулистон шаҳрига ташриф буюрди.

Делегация аъзоларини Сирдарё вилояти ҳокими Ғофуржон Мирзаев қабул қилди.

Учрашувда асли келиб чиқиши ўзбекистонлик бўлган Фаттоҳ Шодиев Сирдарё вилояти аҳолиси турмуш тарзини янада яхшилаш, воҳада кенг кўламда амалга оширилаётган ободонлаштириш, бунёдкорлик ишлари учун жамғарма томонидан 40 миллиард сўм маблағ ажратишга қарор қилганлиги билдирилди.

Эътиборлиси, мазкур учрашувдан кўп ўтмай, яъни бугун мазкур маблағнинг қарийб 30 миллиард сўми вилоятдаги махсус ҳисоб рақамга келиб тушди.

Айтиш лозимки, ушбу ҳомийлик сармояси “Обод қишлоқ” дастури доирасида чекка қишлоқларни ободонлаштириш, муҳандислик-коммуникация тармоқлари ва ижтимоий соҳа объектларини, автомобиль йўлларини,  оқова сув тизимларини мукаммал таъмирлашишларига йўналтирилади.

Шунингдек, маблағнинг бир қисми Президентимиз ташаббуси билан Ховос туманида барпо этилаётган “Xovos city” қурилиш мажмуасига сарфланиши ҳам кўзда тутилган.

Маълумот учун, миллиардер Фаттоҳ Шодиев илк иш фаолиятини Сирдарё вилоятида бошлаган.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019