Андижонда икки гектарлик банан боғи барпо этилди

11:37 25 Апрель 2018 Иқтисодиёт
6592 2
Фото: ua.all.biz

Асака туманида ташкил этилган “Сабо ҳамкор” масъулияти чекланган жамиятида банан боғи барпо этилди. 
Икки гектар майдонда барқ ура бошлаган “Карликовий Кавендиш” навли бу кўчатнинг бошқа турдошларидан фарқли жиҳати шундаки, у шу йилнинг ўзида мева бера бошлайди. Ширинлиги ва қувватлилик даражасининг юқорилиги билан ажралиб туради. 

— Айни пайтда иссиқхонамизга 5000 туп кўчат экилди, — дейди корхона раҳбари Муҳаммаджон Дадажонов. — Уларнинг ҳар биридан 40-50 кг.гача ҳосил олиш мумкинлигини инобатга олсак, демак, 2 гектар майдондаги боғдан 300 тонна банан териб олса бўлади. Бир йилда 300-400 минг АҚШ доллари миқдоридаги ҳосилга умидвормиз. 

Индонезия давлатида ўсувчи бу ўсимлик тез кўпайиши билан ҳам аҳамиятлидир. У ҳар йили бештагача кўпаяди. Демак, келгуси йили боғ ҳажми 5 баробарга ортиб, кўчатлар сони 25 мингтага етиши мумкин. Бу эса вилоятнинг ҳар бир туманида мана шундай боғларни ташкил этиш имконини беради. Лойиҳадаги ишлар режага биноан амалга ошса икки-уч йилнинг ўзида Андижон вилоятининг банан мевасига бўлган эҳтиёжи қондирилиб, импорт ўрнига экспорт фаолиятини йўлга қўйиш мумкин бўлади.
Саминжон ҲУСАНОВ,
“Халқ сўзи” мухбири.

 


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019