36 миллион сўм эгасига қайтарилди

17:49 14 Январь 2019 Жамият
483 0

Иллюстратив фото

Бухоро шаҳар истеъмолчилар ҳуқуқларини ҳимоя қилиш жамиятига 2018 йил 8 ноябрь куни Жондор тумани, “Нурафшон” қишлоқ фуқаролар йиғинидаги Мохон қишлоғида яшовчи фуқаро Ш. Рустамов шикоят аризаси билан мурожаат килди.

Маълум бўлишича, Ш. Рустамов “Nexia-3” русумли автомашинани шартнома орқали харид қилиш учун Бухоро шаҳри, Ибн Сино кўчасидаги “Умид Савдо файз Инвест” масъулияти чекланган жамиятига 36 миллион 25 минг сўм нақд пул тўлаган, бироқ буюртмадан ҳамон дарак йўқ эмиш. Харидор ўз ҳуқуқини талаб қилиб, корхонага бир неча маротаба мурожаат қилади. Аммо ҳар гал турли баҳоналар билан истеъмолчига тайинли жавоб берилмайди.

Мазкур шикоят аризаси юзасидан Бухоро шаҳар истеъмолчилар ҳуқуқларини ҳимоя қилиш жамияти ходимлари томонидан изчил ўрганиш ишлари олиб борилди. Пировардида истеъмолчининг қонуний талаби қондирилиб, унинг МЧЖ ҳисоб рақамига қачонлардир ўтказиб қўйган 36 миллион 25 минг сўм нақд пули олиб берилди.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019