Oilaviy zoʻravonlikdan jabr koʻrgan 14 nafar ayol Reabilitatsiya va moslashtirish markazlariga joylashtirildi

23:09 21 Aprel 2020 Jamiyat
225 0

Joriy yil 20-aprel holatiga koʻra oilaviy zoʻravonlikdan jabr koʻrgan 14 nafar ayol farzandlari bilan Andijon, Buxoro, Jizzax, Samarqand, Surxondaryo viloyatlaridagi Reabilitatsiya va moslashtirish markazlariga joylashtirildi. Ularga kerakli huquqiy, psixologik, tibbiy yordam koʻrsatib kelinmoqda.

Oilaviy zoʻravonlikdan jabr koʻrgan ayollarning muammolarini hal qilish boʻyicha hududlardagi Mahalla va oilani qoʻllab-quvvatlash boshqarmalari va boʻlimlari, sogʻliqni saqlash, ichki ishlar, prokuratura organlari va boshqa hamkor tashkilotlar bilan izchil hamkorlikda ish olib borilmoqda. Muammolarning hal qilinishi borasida olib boriladigan ishlar esa Oʻzbekiston Respublikasi Gender tenglikni taʼminlash masalalari boʻyicha komissiyasining doimiy nazoratida boʻladi.

Shuni alohida taʼkidlash lozimki, respublikamizdagi barcha markazlar bugungi koronavirus pandemiyasi sharoitida karantin talablaridan kelib chiqqan holda “oʻzini oʻzi yakkalash” tartib-qoidalariga amal qilgan holda faoliyat olib bormoqda.

Oʻzbekiston Respublikasi
Oliy Majlisi Senatining
Axborot xizmati

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?