Hindistonning Ximachal-Pradesh shtatida yoʻlovchi avtobusi ishtirokida yoʻl harakati hodisasi roʻy berdi. Oqibatda 43 kishi hayotdan koʻz yumdi, 30 kishi jarohatlandi, deb xabar berdi Hindustan Times. Banjar shahridan Gadagushani tumaniga ketayotgan avtobus jarga qulab tushgan. Dastlabki maʼlumotlarga koʻra, haydovchi boshqaruvini yoʻqotgan. Avtobus 42 kishiga moʻljallangan boʻlsa-da, unda 73 kishi boʻlgan.

Qurbonlar orasida oʻqishdan soʻng qishlogʻiga qaytayotgan maktab va kollej oʻquvchilari bor.

Ularning soni ortishi mumkin. Sababi jarohatlanganlarning koʻpchiligi ogʻir ahvolda.

Politsiya dahshatli YTH boʻyicha tergov-surishtiruv ishlarini boshlagan.

Mamlakat bosh vaziri Narendra Modi vafot etganlarning yaqinlariga hamdardlik bildirgan.