“Yoshlar – kelajagimiz” jamgʻarmasi Oʻzbekiston yoshlar tadbirkorligini qoʻllab-quvvatlash markazi bilan hamkorlikda yangi biznes va startaplarni qoʻllab-quvvatlovchi “Unicorns” nomli loyihani ishga tushirmoqda. Loyiha Prezidentimiz Sh.Mirziyoyevning 2020-yil may oyida Andijon viloyatiga tashrifi davomida kiritilgan taklif asosida tashkil etilmoqda. Mazkur loyiha orqali istiqbolli yosh startapchilarni qoʻllab-quvvatlash koʻzda tutilgan.

Loyihaning asosiy maqsadi Oʻzbekistondagi tadbirkorlik va startaplarni rivojlantirish, hamda yurtimizdagi ilk yakkashoh-startaplarni, yaʼni 5 yil ichida 1 mlrd. dollar yoki undan ziyod foyda keltira oladigan startaplarni yaratishdir.

Uning dastlabki bosqichini amalga oshirish uchun 2 milliard soʻm miqdorida mablagʻ ajratilgan. Loyihaga joriy yilning 10-iyun kuni start beriladi. Asosiy ishchi hudud sifatida esa Andijon viloyati tanlangan. “Unicorns” loyihasida 35 yoshgacha boʻlgan Andijon viloyatining barcha koʻngilli tadbirkorlari va startapchilari qatnashishlari mumkin.

"Loyiha haqida batafsil maʼlumot olish uchun, tashkilotchilar bilan quyidagi elektron pochta manzili yoki +998909783692 telefon raqami orqali bogʻlanishingizni soʻraymiz:

contact@unicorns.uz

Loyihaning ijtimoiy tarmoqlardagi sahifalari

https://t.me/unicorns_uz

https://instagram.com/unicorns_uz

https://facebook.com/unicorns_uz

Loyihada ishtirokchi sifatida https://unicorns.uzveb-sayti orqali roʻyxatdan oʻtishingiz mumkin" deyiladi jamgʻarma maʼlumotida.