Футбол бўйича жаҳон чемпионатининг 2-туридан ўрин олган навбатдаги учрашувлар бўлиб ўтди. Унда яна бир-шов-шувли натижа қайд этилди.

C гуруҳида иштирок этаётган Франция терма жамоаси бу турда Перу билан куч синашиб, жиддий қийинчиликларга дуч келди. Фақатгина 34-дақиқада Килиан Мбаппе томонидан киритилган ягона гол «уч ранглилар»га ғалаба келтирди ва жамоа икки ўйинда 6 очко жамғариб, муддатидан олдин кейинги босқичга чиқди.

Юқорида эслаганимиз шов-шувли натижа D гуруҳи учрашувида қайд этилди. Ўзбекистонлик ҳакам Равшан Эрматов бошқариб борган Аргентина ва Хорватия терма жамоалари ўртасидаги учрашувда кутилмаган хорватлар йирик ҳисобда устун келишди. Ушбу ғалабадан кейин Европа вакили 6 очко тўплаб, кейинги босқич масаласини ҳал қилган бўлса, Аргентина 2 учрашувда бир очко тўплаб, кейинги босқичга чиқиш имкониятини кескин пасайтириб юборди.

ЖЧ-2018
С гуруҳи. 2-тур

Франция – Перу 1:0 (1:0)
Гол: Мбаппе (34).
Франция: Льорис, Павар, Варан, Умтити, Люка Эрнандес, Канте, Погба (Нзонзи, 89), Мбаппе (Дембеле, 75), Гризманн (Фекир, 80), Матюиди, Жиру.
Перу: Гальесе, Адвинкула, Рамос, Родригес (Сантамария, 46), Трауко, Акино, Йотун (Фарфан, 46), Каррильо, Куэва (Руидиас, 82), Флорес, Герреро.
Огоҳлантиришлар: Матюиди (16), Герреро (23), Акино (81), Погба (86).

D гуруҳи. 2-тур

Аргентина – Хорватия 0:3 (0:0)
Голлар: Ребич (53), Модрич (80), Ракитич (90+1).
Аргентина: Кабальеро, Меркадо, Отаменди, Тальяфико, Сальвио (Павон, 56), Перес (Дибала, 68), Маскерано, Акунья, Месси, Меса, Агуэро (Игуаин, 54).
Хорватия: Субашич, Врсалько, Ловрен, Вида, Стринич, Брозович, Ребич (Крамарич, 57), Модрич, Ракитич, Перишич (Ковачич, 82), Манджукич (Чорлука, 90).
Огоҳлантиришлар: Ребич (39), Меркадо (51), Манджукич (58), Врсалько (67), Отаменди (85), Акунья (87), Чорлука (90).