Жаҳонгир Ортиқхўжаев: “Akfa” менинг компаниям, ҳоким бўлсам, нега уни бировга сотишим керак?”

17:18 31 Январь 2019 Иқтисодиёт
3004 0

Фото: Ҳасан Пайдоев / «Халқ сўзи»

Тошкент шаҳар ҳокими Жаҳонгир Ортиқхўжаев “Akfa” компаниясининг асосий акцияларига эгалик қилаётганини айтди. Ҳоким “Тошкент Сити” қурилишида компаниянинг иштироки бўйича турли хорижий сайтларда эълон қилинган мақолалар юзасидан берилган саволга жавобида бу ҳақда гапириб ўтди.

— Ҳа, “Akfa” менинг 20 йиллик компаниям. Уни ўзим ташкил қилганман. Тан олиб айтишим керак, шаҳар ҳокими бўлишим тушимга ҳам кирмаганди. Ҳоким бўлишим ҳақидаги хабарни ярим соат олдин эшитганман. 

Ўзим ташкил қилиб, 20 йил бошқарган компанияни, 31 минг ходимни шунчаки ташлаб кетиш мумкинми? Президентимиз мени ҳоким қилиб тайинлаганларида менга компания бошқарувини бошқаларга бериш бўйича топшириқ бергандилар. Акцияларни сотиб юбориш ҳақида гап бўлмаган. Компания бошқарувини эса ўзимнинг шогирдларимга берганман. Ҳозир уларнинг ишига аралашмайман. Лекин акцияларим турибди.

Агар мен ҳоким бўлсам, акцияларни бировга бериб юборишга мажбурманми? Масалан, агар менда “Boeing” компаниясининг акциялари бўлса, мен ҳоким бўлсам, уни сотишга мажбурманми? Ёки “Apple” компаниясида улушим бўлса, нега уни сотишим керак?  —  дейди Тошкент шаҳар ҳокими Жаҳонгир Ортиқхўжаев.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019