Тошкентда Марказий Осиёда ягона бўлган замонавий корхона иш бошлади

18:11 12 Июль 2018 Иқтисодиёт
1795 0
Фото: Ҳасан Пайдоев / "Халқ сўзи".

Юқори технологияли мазкур корхона - “Metal Processing” масъулияти чекланган жамияти “Ўзтўқимачиликсаноат“ уюшмаси ҳамда Иқтисодиёт вазирлиги томонидан Швейцариянинг “Rieter AG “ компанияси билан ҳамкорликда ташкил этилди. Бу ҳақда "Халқ сўзи" мухбири Саид Раҳмонов хабар берди.

Фото: Ҳасан Пайдоев / "Халқ сўзи".

Унинг лойиҳавий қуввати йилига 760 тонна металлни қайта ишлашга мўлжалланган. Бунинг учун завод цехлари Европа давлатларидан келтирилган илғор технологик линиялар билан жиҳозланган. Улар ёрдамида қалинлиги 1 миллиметрдан 12 миллиметргача бўлган пўлат листлар қайта ишланиб, тўқимачилик машинасозлиги учун импорт ўрнини босувчи деталлар тайёрланади. Хусусан, жорий йил якунига қадар завод жамоаси “Ритер-Ўзбекистон“ корхонасига 755 та ҳар хил деталь етказиб беришни мўлжалламоқда.

Фото: Ҳасан Пайдоев / "Халқ сўзи".

Заводнинг очилиш маросимида сўзга чиққанлар таъкидлаганидек, ушбу завод Ўзбекистон металл саноатида янги даврни бошлаб берди. Сабаби, у Марказий Осиёда ягона бўлиб, дастлаб тўқимачилик машинасозлиги учун зарур деталлар ишлаб чиқарилса, келгусида оғир саноат корхоналари учун импорт ўрнини босувчи маҳсулотлар етказиб берилади. Ички бозор эҳтиёжи таъминлангач, экспорт қилиш ҳам кўзда тутилган.

Фото: Ҳасан Пайдоев / "Халқ сўзи".

Лойиҳа ижроси учун қарийб 4 миллион АҚШ доллари миқдорида хорижий инвестиция жалб этилди.

Фото: Ҳасан Пайдоев / "Халқ сўзи".
Фото: Ҳасан Пайдоев / "Халқ сўзи".

 


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019