Термизий ҳаётига бағишланган фильм суратга олинмоқда

11:15 08 Август 2018 Маданият
1146 0
Фото: Скриншот/ "Халқ сўзи"

“Ўзбеккино” миллий агентлиги ҳамда “Инсон” кино студияси ҳамкорлигида “Абу Исо Муҳаммад ат-Термизий” номли янги бадиий фильм суратга олинмоқда. Бу ҳақда агентлик матбуот хизмати "Халқ сўзи"га маълум қилди.

Қайд қилинишича, фильм режиссёри ва сценарий муаллифи Абдуҳалил Мигноров.

Янги асар Абу Исо Муҳаммад ат-Термизий ҳаёти ҳақида ҳикоя қилиб, ёшлар учун ибратли фильм бўлиши кутилмоқда. Ҳозирда суратга олиш ишлари давом этмоқда. 15 августдан бошлаб жараёнлар Бухоро ва Хива шаҳарларининг тарихий қисмида давом эттирилади.

Фильмда Абу Исо Муҳаммад ат-Термизий ролини Абдуҳалил Мигноров (кексалиги), Дониёр Хафизов(ўрта ёш даври) ҳамда Абдуллоҳ Садриддинов(болалиги)лар ижро этишмоқда.

Янги кинокартинада яна бир қанча ижодкорлар: Пўлат Саидқосимов, Нозим Тўлахўжаев, Ҳамид Тошпўлатов, Убайдулло Омон, Фурқат Файзиев, Эгамберди Раҳимовлар ҳам иштирок этишмоқда.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

“Ҳаёт” фильми энди телеэкранларда. У байрам кунлари МТРК телеканаллари орқали эфирга узатилади

Осмонга кўтарилаётган ҳарбий вертолётлар, қирувчи самолётлардан олинган тасвирлар, жанг майдонидаги қонли муҳораба, оҳ-воҳлар, бақир-чақирлар... Аскар снайперлик винтовкасининг дурбини орқали душманнинг пешонасини мўлжалламоқда. У айнан қаерга ўқ узмоқчи эканини зийрак бўлмаган томошабин ҳам дарров илғаши тайин: дурбиннинг мўлжал белгиси экранда кўз ўнгингизда туради.

12 Январь 2019