“Қишки олча” савдо-кўнгилочар марказида юз берган ёнғин оқибатида ҳаётдан кўз юмганлар сони 64 нафарга етди
Россиянинг Кемерово вилояти “Қишки олча” савдо-кўнгилочар марказида содир бўлган ёнғин оқибатида ҳаётдан кўз юмганлар сони 64 кишига етди.
Бу ҳақда Россия Фавқулодда вазиятлар вазири Владимир Пучков маълумотига асосланиб “РИА Новости” хабар берди. Унинг сўзларига қараганда, қутқарувчилар томонидан ертўладан олти кишининг жасади топилган. Лекин уларни харобалар орасидан олиб чиқишнинг ҳозирча имкони бўлмаяпти.
“64 – охирги рақам”, — деди Пучков. Айни пайтгача 15 кишининг шахси аниқланган. Бу борадаги ишлар давом эттирилаяпти.
Ёнғин нима сабабдан рўй бергани ҳали маълум эмас, аммо “РБК” ва “Интерфакс” манбаларининг айтишича, олов электр тармоқларидаги нуқсонлар туфайли келиб чиққан бўлиши мумкин.
Ҳозирда воқеа юзасидан жиноий иш қўзғатилиб, тўрт киши ҳибсга олинган. Улар ичида фирма директори ва бино ижарачиси бор.
Гувоҳларнинг айтишича, бинода ёнғин бошлангани ҳақида огоҳлантирувчи сигнал эшитилмаган.
Тавсия этамиз
Кўп ўқилганлар
- Жаҳон олимлари нигоҳи яна Ўзбекистонга қаратилди
- Президент Ўзбекистон ўқитувчи ва мураббийларига табрик йўллади
- Ўзбекистонда долларнинг расмий курси ўзгарди
- Президент Исмоил Жўрабеков вафоти муносабати билан ҳамдардлик билдирди
- Ўзбекистон ва Туркманистон: барқарор ривожланиш йўлидан бораётган давлатлар
- Тадбиркорлар янгича ёндашувлар асосида қўллаб-қувватланади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг