Нефть нархлари кескин кўтарилди 

15:08 16 Сентябр 2019 Дунё
570 0

Саудия Аарбистони нефт қазиб олиш ҳажмини камайтириши туфайли нефт нархи 10 фоиз қимматлашди. Бу ҳақда РИА Новости хабар берди.

Гап шундаки, бугун эрталаб Brent маркали нефт нархи 9,96 фоиз ошиб, 1 баррели 66,22 АҚШ долларини, WTI маркалиси 8,61 фоиз кўтарилиб, 59,22 долларга етган.

Саудия Арабистони энергетика вазири Абдулазиз бин Салмон томонидан қабул қилинган қарорга кўра, мамлакатда бир кунлик нефть қазиб олиш ҳажми ўртача 50 фоиз камайтирилган. Бунинг натижасида этан ва бошқа табиий газ қазиб олиш миқдори ҳам эллик фоиз пасайган.

Хусусан, бу ердаги “Бикайк” ва “Хирайс” номли энг йирик “қора олтин“ конларида қазиб олиш вақтинча тўхтатилган. Ушбу вақт давомида буюртмачиларга нефть захира омборхоналаридан етказиб берилади.

Эслатиб ўтамиз, ўтган шанба куни тонг соат 04:00 да Saudi Aramco миллий нефт компаниясига тегишли бир неча йирик нефт қазиб олиш конларига дронлар ҳужум қилгани ҳақида хабарлар пайдо бўлган эди. ОАВлар хабарига кўра, ушбу ҳужумлар учун жавобгарликни Яман мухолифатчилари ўз зиммасига олган.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Муштарийлар учун ажойиб янгилик!

Юқоридаги суратда бунинг учун нима қилиш лозимлигини томоша қилишингиз мумкин.

09 Декабрь 2019