Дафн идораси ишчиси Диего Молина 1986 йилги жаҳон чемпиони Диего Марадонанинг жасади билан очиқ тобутда тушган сурати учун ишдан бўшатилди, деб хабар бермоқда "TN".

У бир қўлини марҳумнинг пешонасига қўйган ҳолатда, иккинчи қўли билан эса (зўр) ишорасини кўрсатиб суратга тушган. Манбага кўра, унинг бу ҳаракатлари кўпчиликнинг ғазабига сабаб бўлган

Афсонавий футболчи 25 ноябрь куни 61 ёшида юрак хуружидан вафот этди. Айни пайтда Буэнос-Айресда аргентиналик билан хайрлашиш маросими ўтказилмоқда. Унинг тобутини фақат собиқ футболчининг оиласи учун очиқ ҳолда кўрсатилган.

Марадона футболчи сифатида Архентинос Хуниорс», «Бока Хуниорс», «Барселону», «Наполи», «Севилья» ва «Ньюэллс Олд Бойз» жамоаларида ўйнаган. У клублардаги фаолияти давомида 687 учрашувда 363 гол урган.

Аргентина терма жамоаси таркибида у 91 та учрашувда қатнашган ва уларда рақиблар дарвозасига 34 та гол урган. 1986 йилги Жаҳон чемпионати якунида Марадона мусобақанинг «Энг яхши ўйинчиси» дея тан олинган эди.

Мураббий сифатида Марадона Аргентина терма жамоасини ҳамда «Ал Васл», «Ал Фужайра», «Дорадос» ва «Химнасия» клубларини бошқарган.