Лондон биржасида илк марта ўзбек сўмида қимматли қоғозлар билан операция ўтказилди

15:55 28 Май 2018 Иқтисодиёт
714 0
Фото: irishtimes.com

18 май куни Лондон фонд биржасида «SamarkandBonds» номига эга ўзбек сўмида, Халқаро молия корпорациясининг (ХМК) облигациялари жойлаштирилди. Бу ҳақда Марказий банк ахборот хизмати хабар берди.

Манбада қайд этилишича, умумий чиқарилган ҳажм - 80 млрд сўм, қоплаш муддати - 2 йил, купон ставкаси - йилига 9,5%.

Облигацияларни сотиш борасида, Европанинг активларни бошқариш бўйича учта компанияси билан келишув имзоланди. Битимларни ташкиллаштиришни ING Capital Markets брокерлик компанияси ўз зиммасига олди. Ушбу облигациялар шартлари бўйича маълумотлар Bloomberg агентлиги терминалида жойлаштирилган.

Хабарда қайд қилинишича, олинган маблағлар Ўзбекистонда кичик бизнес лойиҳаларини молиялаштириш учун миллий валютада кредит линиясини очишга йўналтирилади.

«Ушбу битим халқаро капитал бозорларида ўзбек сўмида қимматли қоғозлар билан ўзига хос биринчи амалиёт ҳисобланади. Халқаро бозорларда ўзбек сўмида кўрсатилган облигацияларнинг пайдо бўлиши мамлакат обрўсига ижобий таъсир кўрсатиб, институционал инвесторларнинг Ўзбекистонга бўлган қизиқишини оширади», - дейилади Марказий банк хабарида.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019