Хатирчида мактаб директори пора билан қўлга олинди.

15:41 05 Декабрь 2018 Жамият
1139 0

Иллюстратив фото

“Халқ сўзи Online”. Темур Эшбоев/Навоий. Хатирчидаги мактаблардан бирининг директори пора олаётган вақтда қўлга олинди.

Фуқаро С. Р. Навоий вилояти Хатирчи туманининг Олтинсой МФЙдаги Аччи қишлоғидаги 79-мактабда анча вақтдан буён психология фани ўқитувчиси сифатида ишлаб келарди.

Мазкур мактабнинг директори П.Ш. сўнгги пайтларда унга маълумоти психология мутахассислигига тўғри келмаслигини рўкач қилиб, ишдан бўшатмаслик эвазига 200 АҚШ доллари талаб қилади.

Фуқаро С.Р.нинг аризаси асосида Департаментнинг туман бўлими, ДХХ ҳамда туман ИИБ ЖҚБ ходимлари ҳамкорлигида ўтказилган тезкор тадбирда мактаб директори П.Ш. психолог С.Р.дан кимёвий ишлов берилган 100 АҚШ долларини пора тариқасида олаётганида ашёвий далиллар билан қўлга олинди.

Мазкур ҳолат юзасидан фуқаро П.Ш.га нисбатан Ўзбекистон Республикаси ЖКнинг 210-модда 1-қисми билан жиноят иши қўзғатилди.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019