“Камаз” Ўзбекистон ҳарбий қисмлари учун юк машиналари ишлаб чиқаришни 10 баробар оширади

18:11 10 Август 2018 Иқтисодиёт
1463 0
Архив фото

Ўзбекистон ўз ҳарбий қисмлари учун 1,1 минг дона “Камаз” юк машиналарига буюртма берди.

Тошкент вилояти ҳокими Ғуломжон Ибрагимов Татаристон президенти Рустам Миннихонов билан қатор қўшма лойиҳаларни муҳокама қилгани ҳақида онлайн нашримизда хабар бергандик. Бу борада “Камаз” юк машинаси техникаларини етказиб бериш линияси бўйича таклифлар ҳам кўриб чиқилди.

Маълумки, юртимизда ўтган йил охирида ушбу бренд остида транспорт воситаларини ишлаб чиқариш йўлга қўйилганди.

“Уларни Самарқандда йиғишни бошлашди, у ерда бўш майдон бор эди, илк 100 та машинани йиғишди, ҳарбийлар уларни кўришди, жорий йилда буюртма сони 1100 та машинага етди. Ҳозир биз MAN чиқаришни тўхтатамиз, ушбу майдонда “Камаз” иш бошлайди”, - деди Тошкент вилоят ҳокими Татаристон президенти билан Қозондаги учрашуви давомида.

Ўз навбатида ҳоким Тошкент вилоятида “Камаз” юк машиналарига сервис хизматлари кўрсатиш бўйича марказни очиш режалари муҳокама қилингани, сабаби барча 42 та ҳарбий қисм Тошкент атрофида жойлашганига тўхталиб ўтди.

Эслатиб ўтамиз, “Ўзавтосаноат” АЖ ва “Камаз” ўртасидаги келишув РФ бош вазири Дмитрий Медведевнинг Ўзбекистонга амалга оширган ташрифи давомида имзоланган эди.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019