Алишер Навоий жамғармаси тузилди

04:43 24 Январь 2019 Жамият
623 0

Иллюстратив фото

“Халқ сўзи ONLINE”. Темур Эшбоев/Навоий. Буюк мутафаккир Алишер Навоий ҳаёти ва ижодий меросига бағишланган илмий конференцияга халқаро мақом берилгани шоир ижодига дунё миқёсида қизиқиш кучайиб бораётгани ифодасидир.

— Анжуманимиз ташкил этилган йили учта, ўтган йили олтита мамлакатдан навоийшунос олимлар қатнашди, — дейди халқаро конференциянинг масъул котиби, адабиётшунос олим Улуғбек Сатторов. — Бу йил 12 мамлакатдан 48 нафар навоийшунос олим иштирок этиш истагини билдириб турибди. Улар ўз маърузаларини тақдим қилдилар. Венгрия, Жанубий Корея, Мўғулистон ва Ҳиндистон давлатларидан тадқиқотчилар илк бор қатнашади. Олий таълим муассасаларимиз олимларидан эса 150 дан зиёд мақолалар қабул қилдик.

Навоий шаҳрида бу йилги халқаро конференция арафасида республикамизда ягона бўлган Алишер Навоий жамғармаси тузилди. Аждодларимиз меросини жаҳонга танитиш, ёшларимизни буюк боболаримиз анъаналари руҳида тарбиялаш каби улуғ мақсадлар унинг асосий фаолияти йўналишларидандир. Халқаро мавқега эга жамғарма сайтида мавзуга доир энг муҳим янгиликлар, илмий тадқиқотлар жойлаштириб борилиши режалаштирилган.

Келгусида Россия, Туркия, Озарбайжон, Қозоғистон, Тожикистон, Афғонистон, Туркманистон ва бошқа давлатларда жамғарманинг филиалларини очиш кўзда тутиляпти.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019