Андижон вилояти ҳуқуқни муҳофаза қилувчи идоралари 9 март кунги портлаш тўғрисидаги хабарга изоҳ бердилар
Фото: Андижон вилояти ИИБ томонидан тақдим этилди.
“Халқ сўзи ONLINE”. Саминжон Ҳусанов/Андижон. 9 март куни ижтимоий тармоқларда Андижон вилояти ички ишлар бошқармаси йўл ҳаракати хавфсизлиги бошқармаси автотураргоҳида автомашиналар портлаб кетганлиги тўғрисида хабар тарқалган эди. Вилоят ички ишлар бошқармасидан олинган маълумотга кўра, бу ҳеч бир асосга эга бўлмаган, яъни мутасадди идоралар томонидан тасдиқланмаган ахборот бўлиб, ҳеч қандай портлаш юз бермаган.
Лекин воқеа жойида ёнғин содир бўлганлиги рост. “9 март куни соат 16:30 ларда Андижон шаҳри, Амир Темур шоҳкўчасида жойлашган автотураргоҳ ҳудудида 5 тонналик ёқилғи қуйиш тизими атрофига эҳтиётсизлик туфайли тўкилган 10 литр бензин ёнган”, дейилади хабарда.
Вилоят ИИБ ЁХБ матбуот хизматидан маълум қилишларича, ёнғин хавфсизлиги хизмати ходимлари воқеа жойига ўз вақтида етиб борганлар ва кўнгилсизликни бартараф этганлар. Учқун натижасида юзага келган ёнғин оқибатида ҳеч ким жабрланмаган. Айни пайтда мавзуга доир тушунтириш ишлари олиб борилмоқда.
Тавсия этамиз
Кўп ўқилганлар
- Ўзбекистонда ЯТТ ва ўзини ўзи банд қилган шахслар QR-кодсиз фаолият юритса жаримага тортилади
- Ҳоким ёрдамчиси кимга ёрдамчи?
- Хонанда Раҳматилло Юсупов 44 ёшда вафот этди
- Сизни ажаблантирадиган анъаналар. Дунё бўйлаб янги йил қандай нишонланади?
- Ўзбекистон Президенти ва халқига Янги йил байрами муносабати билан самимий қутловлар келмоқда
- «Лавозимим, унвоним бор, менга ҳеч ким тегмайди», деганлар адашади. Қонун олдида ҳамма тенг!»
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг