Жиззахда Қозон федерал университетининг филиали очилди

19:10 10 Октябр 2022 Жамият
704 0

Фото: Халқ сўзи

«Халқ сўзи» мухбирининг хабар қилишича, филиалнинг тантанали очилиш маросимида Татаристон раҳбари Рустам Минниханов иштирок этди.

Дастлаб олий мартабали меҳмон ва Жиззах вилоят ҳокими Эргаш Солиев ўртасида учрашув бўлиб ўтди. Унда инвестициявий ва савдо-иқтисодий ҳамкорликни ривожлантиришнинг устувор йўналишлари муҳокама қилинди. Татаристон Республикасида автомобилсозлик, машинасозлик, энергетика, кимё саноати, металлургия, қишлоқ хўжалиги ривожлангани, Жиззах вилоятининг бу соҳаларда салоҳияти юқори эканлиги ҳисобга олиниб, Татаристон томони тегишли қўшма лойиҳаларни амалга оширишга тайёрлиги маълум қилинди.

— Татаристоннинг «Химград» технополиси билан ҳамкорликда амалга оширилган «Чирчиқ» кимё-индустриал технопаркига ўхшаш индустриал паркни «Жиззах» МИЗ ҳудудида ташкил этиш имконияти мавжуд,  — деди Татаристон Республикаси Президенти Рустам Минниханов.

Учрашувда Ўзбекистон ва Татаристон Республикаси ўртасидаги ҳамкорлик сифат жиҳатидан юқори даражага чиққани алоҳида таъкидланди. Р. Минниханов Қозон федерал университетининг Жиззах шаҳридаги филиалини ташкил этиш бўйича ишлар жуда қисқа фурсат ичида амалга оширилгани учун Ўзбекистон Республикаси Президентига миннатдорлик билдирди.

Татаристонлик меҳмонлар IT Park Жиззах вилояти филиали, Жиззах шаҳридаги Президент мактаби фаолияти билан ҳам яқиндан танишди ва яратилган шарт-шароитларни юқори баҳоладилар.

Толибжон ЭРГАШEВ, «Халқ сўзи».

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер