«Яшил макон» умуммиллий лойиҳаси: келажагимизга дахлдор ҳаётий ҳаракат

10:42 21 Ноябрь 2022 Жамият
298 0

Давлатимиз раҳбари ташаббуси билан «Яшил макон» умуммиллий лойиҳаси доирасида ҳар йили 200 миллион туп дарахт ва бута кўчатларини экиш белгиланган.

Юртимиздаги яшил майдонларни ҳозирги 8 фоиздан 30 фоизга ошириш режалаштирилган.

Бугун юртимизда кенг тус олган «Яшил макон» умуммиллий ҳаракатининг маъно-мазмуни, мақсади ҳам юртимизда яшилликни кенгайтириш баробарида табиатни асраш, экология мусаффолигини сақлашга қаратилмоқда.

Давлатимиз раҳбарининг бевосита ташаббуси билан ҳаётга татбиқ этилаётган ушбу хайрли тадбирларда барча юртдошларимиз фаол иштирок этишмоқда.

Айниқса, бу борада Музработ тумани Халқ таълими бўлимига қарашли 8-умумтаълим мактаби жамоасининг саъй ҳаракатларини ҳам алоҳида таъкидлаш зарур.

Куни кеча мактаб ҳовлисида ташкил этилган оммавий ҳашарда 1000 дан ортиқ мевали ва манзарали дарахт кўчатлари экилди.

Табиатда яшил ҳудудлар кенгайса, яшил қалқонлар шакллантирилса, бундан фақат фойда кўрамиз, роҳатланамиз, башарият келажаги мустаҳкамланади.

Демакки, юртимизда кенг қулоч ёйган «Яшил макон» умуммиллий лойиҳаси нафақат бугунимизга балки, яқин ва узоқ келажагимизга дахлдор ҳаётий ҳаракатдир.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер