Япония ва Камбоджа Украинага миналардан тозалашда биргаликда ёрдам беради

18:58 24 Январь 2023 Дунё
572 0

Фото: РИА «Новости»

Япония ва Камбоджа Украинага портламай қолган ўқ-дориларни йўқ қилиш ва миналардан тозалашда ёрдам бериш бўйича келишувга эришди. Бу ҳақда "Kyodo" агентлиги хабар бермоқда.

Қайд этилишича, Япония ташқи ишлар вазири Ёсимаса Хаяши ва Камбоджа ташқи ишлар ва халқаро ҳамкорлик вазири Прак Сокхон бу борада келишиб олган.

Аввалроқ, Япония расмийлари Киевга ёрдам кўрсатиш доирасида украиналик сапёрларни тайёрлаш курсларини бошлаган эди. Келишувга кўра, украиналик сапёрлар Японияда тайёрланади. Токио Польшага ҳам бир неча мутахассисларни юборган ва у ерда украиналик сапёрлар тайёрланади.

Шу йилнинг 20 январь куни Камбоджада Украина фавқулодда вазиятлар давлат хизматининг 10 нафар ходими учун миналардан тозалаш бўйича ўқув машғулотлари якунланган эди.

Ўтган йилнинг ноябрь ойида Канада Қуролли кучлари инструкторлари Польшада украиналик сапёрларни тайёрлашни бошлаган эди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?