Ўзини осган Янги-Ангрен ИЭСдаги портлаган цехнинг раҳбари ҳақида Бош прокуратура маълумот берди

19:04 23 Январь 2021 Жамият
1360 0

"Янги Ангрен" ИЭСда цех раҳбари бўлиб ишловчи ходим ўзини осди. Бу ҳақда Бош прокуратура Ахборот хизмати раҳбари “Халқ сўзи”га маълум қилди.

Маълум қилинишича, 2021 йил 23 январь куни соат таҳминан 12:50 ларда, 1981 йилда туғилган фуқаро Ш.С ўзи яшаган Ангрен шаҳар, Нуробод қўрғони, 24-хонадоннинг сомонхонаси шифти устунига арқон билан ўзини бўйин қисмидан осиб, ўз жонига қасд қилиб, вафот этган. 

Мазкур ҳолат юзасидан Ангрен шаҳар прокуратураси томонидан ҳодиса содир бўлган жой ва мурда кўздан кечирилиб, С.Ш.нинг мурдасига нисбатан суд-тиббий экспертизаси тайинланган бўлиб, экспертнинг дастлабки маълумотномасига кўра С.Ш.нинг ўлимига бўйин аъзоларининг сиртмоқ билан сиқилиши оқибатида келиб чиққан механик асфиксия сабаб бўлганлиги кўрсатилган.

Ҳозирда шаҳар прокуратураси томонидан С.Ш.нинг вафот этганлиги ҳолати юзасидан терговга қадар текширув ҳаракатлари ўтказилмоқда.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?