Вилоятнинг энг олис қишлоғида сайёр қабул қандай ўтди?

09:16 30 Октябр 2020 Жамият
293 0

Одамлар қандай яшаяпти, уларни қийнаётган муаммолар нималардан иборат? Бу ҳар бир раҳбар доимий равишда хабардор бўлиши талаб этиладиган энг устувор масала. Айни йўналишда жойлардаги ҳақиқий аҳвол, аҳолининг турмуш тарзидан тўла воқиф бўлиш мақсадида халқ билан юзма-юз мулоқотлар натижадор иш услубига айланмоқда. Наманган вилояти ҳокими вазифасини бажарувчи Шавкат Абдураззоқов вилоят раҳбари сифатидаги илк сайёр қабулини энг олис ҳудуд — Янгиқўрғон туманидаги Нанай қишлоғидан бошлади.

Унда Янгиқўрғон, Чортоқ, Уйчи, Учқўрғон туманлари ва Наманган шаҳридаги фуқаролардан келиб тушган юзга яқин мурожаатлар вилоят ва туман секторлари, тегишли вилоят ташкилотлари раҳбарлари иштирокида тингланди.

Уй-жой, ер ва кредит ажратиш, бандлик, тадбиркорлик, ҳудудлардаги йўл, сув ва электр таъминотини яхшилаш, тиббий хизматдан фойдаланишга кўмаклашиш каби масала, муаммолар ўрганиб чиқилиб, белгиланган тартибда ижобий ҳал этиш юзасидан мутасаддиларга топшириқлар юклатилди.

Сайёр қабул давомида вилоят адлия, Маҳалла ва оилани қўллаб-қувватлаш, Бандлик, соғлиқни сақлаш, молия, марказий банк, халқ таълими, мактабгача таълим бошқармалари, газ, электр ва сув таъминоти корхоналари, вилоят фуқаролик ва жиноят ишлари бўйича судлари масъул ходимлари ҳам фуқаролар мурожаатларини тинглаб, тавсия ва тушунчалар берди.

Қудратилла НАЖМИДДИНОВ,
«Халқ сўзи».

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?