Иллюстратив фото

Оқ уйдаги 18 август куни режаланган учрашув Украина келажаги ва бутун Европа хавфсизлиги учун ўтган жума куни Аляскада бўлиб ўтган АҚШ —Россия саммитидан ҳам муҳимроқ бўлиши мумкин.

Таъкидланишича, Буюк Британия бош вазири Кир Стармер, Франция президенти Эммануэль Макрон, Германия канцлери Фридрих Мерц ва бошқа раҳбарларнинг Украина президент Зеленский билан бирга Вашингтонда бўлиши унинг шу йилнинг 28 февралдаги каби яна Овал кабинетда босим остида қолмаслигига умид уйғотади.

Улар АҚШ президенти Дональд Трампнинг қулоғига иккита нарсани қўйиб қўймоқчи: биринчидан, Украинанинг бевосита иштирокисиз Украина учун тинчлик битими бўлиши мумкин эмаслиги, иккинчидан, у хавфсизлик кафолатлари билан қўллаб-қувватланиши керак .

Энг муҳими, Европа етакчилари Украина ва Европа бирлашган жабҳада эканлигини кўришини истайди ва улар Трампнинг Путин билан очиқ шахсий муносабати туфайли Россиянинг талабига кўнмаслигини истайди.

Бу ерда Кир Стармернинг дипломатик маҳорати қаттиқ синовдан ўтади. У Трамп билан яхши келиша олади ва Оқ уй раҳбари эшитади. Бундан ташқари, бир ойдан кейин АҚШ етакчиси Буюк Британияга давлат ташрифи билан бориши керак. Шунингдек, Трамп НАТО Бош котиби Марк Рютте билан ҳам яхши чиқиша олади.

АҚШ президенти Макронни унчалик хуш кўрмаслиги айтилади. Чунки Оқ уй яқинда БМТнинг навбатдаги Бош Ассамблеясида Франциянинг Фаластин давлатини сўзсиз тан олиш ниятини кескин танқид қилди.

Европа етакчилари халқаро чегараларни куч билан ўзгартириб бўлмаслигини, президент Зеленский ҳудудлардан воз кечмаслигини, Украина конституцияси буни тақиқлаганини қайта-қайта айтди.

Аммо Путин Донбассни истамоқда, Россия кучлари аллақачон ҳудуднинг 85 фоизини назорат қиляпти ва у Қримни ҳам ҳеч қачон қайтариб бериш ниятида эмас.

Украина Россиянинг келажакдаги ҳар қандай тажовузини тўхтатиш ва шу орқали эркин ҳамда суверен давлат сифатида мустақиллигини ҳимоя қилиш учун етарли бўлган 5-модда туридаги хавфсизлик кафолатларини истамоқда.

Шундай бўлса-да АҚШ Украина Россия билан ер алмашиш кераклигини қайта-қайта такрорламоқда.