Уч қаватли кўприк қурилиши муносабати билан пойтахт йўлларидан бири вақтинча ёпилди

11:03 07 Март 2020 Жамият
776 0

Кундан кунга пойтахт йўлларида ортиб бораётган транспорт ҳаракати тирбандликлари бу борада кескин чоралар кўришни тақозо қилмоқда. Айниқса, бундай вазиятлар юзага келаётган чорраҳалар ва кўчаларда ҳаракатни қисқартириш ёки йўналишни ўзгартириш бўйича олиб борилаётган саъй-ҳаракатлар ўз самарасини бермоқда.

Шундан келиб чиқиб,  Оҳангарон шоҳ кўчасининг Бектемир туманидаги қисмида юзага келаётган транспорт тирбандликларининг олдини олиш мақсадида, 2020 йил 5 мартдан Ҳ.Бойқаро кўчасидан Оҳангарон шоҳ кўчасига чиқиш (чапга бурилиш) қисми вақтинчалик ёпилди, деб хабар берди "Тошшаҳартрансхизмат" АЖ​.

Шу муносабат билан ҳаракат ва йўловчилар ташиш хавфсизлигини таъминлаш мақсадида, автокорхоналарга бириктирилган 54 ва 110-сонли автобус йўналишларининг тўғри йўналишдаги (марказ томон) ҳаракати Ҳ.Бойқаро кўчасидан Оҳангарон шоҳ кўчасига (ўнгга) ҳаракатланган ҳолда, “Шарқ” ЙПХ масканидан кейинги кўприк йўлидан ортга қайрилиб, яна Оҳангарон шоҳ кўчаси орқали ўз йўналишини давом эттирадиган бўлди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер