Фото: Прократура департаменти

Сурхондарё вилоятининг Денов, Хоразм вилоятининг Янгибозор ҳамда Андижон вилоятининг Балиқчи туманида энергия ресурсларидан ноқонуний фойдаланиш ҳолатлари фош этилди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.

Қайд этилишича, Денов туманида «Х.» фермер хўжалиги раҳбари Ж.Х. дала ер майдонида электр сув насосини умумий фойдаланишдаги тармоққа ўзбошимчалик билан улаб, 314,8 млн сўмлик электр энергиясидан ноқонуний фойдаланган.

Шунингдек, Янгибозор туманидаги «Р.Й.» ва «Ш.Б.» фермер хўжаликлари масъул шахслари электр сув насосларини умумий фойдаланишдаги тармоқларга улаб, жами 213,4 млн сўмлик электр энергиясидан ноқонуний фойдаланган.

Бундан ташқари, Балиқчи туманида «Х.» фермер хўжалиги иш бошқарувчиси Ғ.У. 100,1 млн сўмлик электр энергиясидан ноқонуний фойдаланган.

Мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.