Тошкент гидроэнергетика йўналишидаги нуфузли анжуманга тайёргарлик кўрмоқда

12:36 17 Сентябр 2020 Иқтисодиёт
674 0

Анъанавий равишда ўтказилиб келинаётган «Гидроэнергетика. Марказий Осиё ва Каспий» бешинчи халқаро анжумани ва кўргазмаси 2021 йилнинг 17-18 февраль кунлари Тошкент шаҳрида ташкил этилиши режалаштирилган.

Ушбу халқаро анжуман олдидан тайёргарлик ишларига бағишланган онлайн шаклдаги вебинар бўлиб ўтди.

Тадбирнинг асосий стратегик ҳамкори бўлган «Ўзбекгидроэнерго» АЖдан маълум қилишларича, анжуманда 150 дан ортиқ давлатлар вакиллари иштирок этиши кўзда тутилган бўлиб, асосий иштирокчилар Марказий Осиё ва Каспий минтақалари вакиллари — Ўзбекистон, Тожикистон, Қозоғистон, Қирғизистон, Озарбайжон, Эрон, Арманистон, Россия, Грузия, Туркия давлатлари саналади.

Тадбир олди онлайн учрашувда анжуманга тайёргарлик ишлари ҳамда «Ўзбекгидроэнерго» АЖ томонидан соҳада амалга оширилаётган инвестициявий лойиҳалар тўғрисида маълумот берилди. Вебинарда, шунингдек, гидроэнергетика тармоғини ислоҳ қилиш давлат томонидан қўллаб-қувватланиши ҳамда соҳанинг янги истиқболли лойиҳалари ҳақида сўз борди. Жумладан, жорий йилда ишга туширилиши режалаштирилаётган «Қамчиқ» кичик ГEС, «Зарчоб» ГEС-1 ҳамда ҳозирда лойиҳа-қидирув ишлари олиб борилаётган янги йирик «Муллалак» ГЭСи вебинар иштирокчиларида катта қизиқиш уйғотди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер