Жаҳон соғлиқни сақлаш ташкилоти ҳисоботига кўра, шу йил 13 февралдан 12 мартгача Ер юзида 4 миллиондан ортиқ кишида коронавирус инфекцияси аниқланди. Улардан қарийб 28 минг нафари хасталик туфайли ҳаётдан кўз юмди.

Таҳлилларнинг кўрсатишича, ушбу даврда дунё бўйича ундан аввалги тўрт ҳафтага нисбатан беморлар сони 40 фоиз, ўлим ҳолатлари эса 57 фоизга камайган.

Энг кўп касалланиш қайд этилган давлатлар:

— АҚШ – 920 минг,

— Япония – 381 минг,

— Хитой – 370 минг,

— Россия – 350 минг,

— Германия – 338 минг нафар.

Энг кўп беморлар ўлими рўйхатга олинган мамлакатлар:

— АҚШ – 9303,

— Япония — 2598,

— Буюк Британия — 2217,

— Бразилия —1648,

— Хитой — 1586 нафар.

Эслатиб ўтамиз, яқинда ЖССТ бош директори Тедрос Гебреесус жорий йил CОVID-19 пандемияси якунланиши кутилаётганини маълум қилганди. Шунга қарамай, мутахассислар хасталикни тўлиқ жиловлаш учун сайёрамиз аҳолисининг катта қисми тўлиқ босқичда ва бустер дозада эмланиши керак, деган хулосада.