«Time» журнали АҚШнинг сайланган президенти Дональд Трамп томонидан 2024 йил учун йил одами деб эълон қилди.

Журнал маълумотларига кўра, 2024 йил учун номзодлар рўйхатига президентлик пойгасида Трампга ютқазган Камала Ҳаррис, тадбиркор Илон Маск, Исроил бош вазири Бинямин Нетаняҳу, Алексей Навальнийнинг хотини Юлия Навальная кирганди.

Бироқ бугун, 12 декабрь куни чоп этилган мақолада Дональд Трамп «дунёдаги энг қудратли одам» деб таништирилди.

«Трампнинг сиёсий тикланиши Америка тарихида ўхшаши йўқ воқелик. Унинг биринчи муддати шармандалик билан якунланди: 2020 йилги сайлов натижаларини бекор қилишга уринишлар АҚШ Капитолийсига ҳужум билан якунланди… Июль ойида Пенсилвания штатининг Батлер шаҳридаги митингда қотилнинг отган ўқи унинг бошидан бир дюймдан камроқ масофада кесиб ўтди. Кейинги тўрт ой ичида у бир эмас, иккита мухолиф демократни ортда қолдирди, «тебранаётган» еттита штатнинг барчасида ғалаба қозонди. У Америка сиёсатини ўзгартириб, Республикачилар партиясини қайта тузди ва демократларни нима нотўғри бўлгани ҳақида ўйлашга мажбур қилди», дейилади мазкур мақолада.

Маълумот учун, Трамп 2016 йилда илк бор АҚШ президенти этиб сайланганида ҳам йил одами бўлганди.