Содиқ Сафоев ЕХҲТ ДИИҲБ миссияси раҳбари билан учрашди

12:49 07 Июль 2023 Сиёсат
341 0

2023 йил 4 июль куни Ўзбекистон Республикаси Олий Мажлиси Сенати Раисининг биринчи ўринбосари Содиқ Сафоев Европада хавфсизлик ва ҳамкорлик ташкилоти Демократик институтлар ва инсон ҳуқуқлари бўйича бюросининг (ЕХҲТ ДИИҲБ) сайловни кузатиш миссияси раҳбари Урсула Гачек билан учрашди.

Қонун ижодкорлиги жараёнини такомиллаштириш соҳасида ЕХҲТ ДИИҲБ билан ҳамкорликни чуқурлаштириш, шунингдек, бўлажак Президентлик сайловига тайёргарлик кўриш ва уни ўтказиш масалалари юзасидан фикр алмашилди.

Бўлажак сайлов мамлакатимизда амалга оширилаётган кенг кўламли ислоҳотларга доимий тус беришда муҳим аҳамият касб этиши таъкидланди.

Мамлакатда сайлов қонунчилиги ва сайловларни ташкил этиш механизмларини такомиллаштириш бўйича тавсияларни амалга оширишда самарали ҳамкорликни давом эттиришга келишиб олинди.

Шунингдек, томонларни қизиқтирган масалалар юзасидан фикр алмашилди.

Томонлар сайлов қонунчилигини демократлаштиришнинг турли жиҳатлари бўйича ҳамкорлик ва ўзаро алоқаларни янада чуқурлаштиришга тайёр эканликларини қайд этдилар.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер