ШҲТ Котибиятида Ўзбекистондаги конституциявий ислоҳотларга бағишланган брифинг ўтказилди

16:43 22 Март 2023 Сиёсат
775 0

Ўзбекистон элчихонаси томонидан Шанхай ҳамкорлик ташкилоти Котибиятида мамлакатимиздаги конституциявий ислоҳотларга бағишланган брифинг уюштирилди.

Тадбирда Хитой Ташқи ишлар вазирлиги масъуллари, ШҲТ Котибияти раҳбарияти, ШҲТ давлатлари элчилари ва дипломатлари, ҳамда аъзо давлатларнинг доимий вакиллари иштирок этди.

Иштирокчиларга Ўзбекистонда конституциявий ислоҳот, ўзгартиш ва қўшимчалар киритилаётган Конституция тўғрисида батафсил ахборот берилди.

Конституциявий ислоҳотда дунёнинг деярли барча мамлакатлари, хусусан ШҲТ давлатлари конституциялари атрофлича ўрганилгани қайд этилди.

Мазкур жараёнда инсон ҳуқуқ ва эркинликларини таъминлаш – давлатнинг олий мажбурияти сифатида муҳрлаб қўйилиши, лойиҳада «Инсон-Жамият-Давлат» тамойили бош мезонга айланиб, инсон ҳуқуқлари борасидаги нормалар 3,5 бараварга, давлатнинг ижтимоий мажбуриятларига доир нормалар уч баробарга ошганлиги, Ўзбекистон ижтимоий давлат деган тамойил конституциявий тарзда белгиланаётганига эътибор қаратилди.

Шунингдек, ёшлар ва таълимни, гендер тенгликни, тадбиркорлик фаолиятини қўллаб-қувватлаш, эркин ахборот олиш, ижтимоий ҳимоя ва экологик ҳуқуқларни, суд тизимлари эркинлиги ва мустақиллигини таъминлаш, Парламент ваколатларини янада кучайтириш борасидаги янги ўзгаришлар алоҳида қайд этилди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер