Шерзод Шерматов Европа Иттифоқининг Ўзбекистондаги элчиси Чарлотте Адриаэн билан учрашди

20:13 25 Январь 2023 Сиёсат
286 0

Бугун, 25 январь куни Рақамли технологиялар вазири Шерзод Шерматов Европа Иттифоқининг Ўзбекистондаги фавқулодда ва мухтор элчиси Чарлотте Адриаэн билан учрашув ўтказди.

Унда аҳоли учун рақамлаштириш соҳасидаги қулайликларни янада такомиллаштириш мақсадида электрон ҳукумат йўналишида ҳамкорлик қилиш, ИТ-таълим йўналишида истиқболли лойиҳаларни биргаликда амалга ошириш ва Европа Иттифоқи ва Ўзбекистон ўртасида рақамлаштириш бўйича масалалар муҳокама қилинди.

Учрашув давомида ёшларнинг АКТ соҳасига бўлган қизиқишини ошириш, рақамлаштириш йўналишига аёлларни кенгроқ жалб қилиш, улар учун муносиб шароитлар яратиш масалаларига ҳам эътибор қаратилди.

Шунингдек, Ўзбекистонни минтақавий ИТ марказга айлантириш ва бу орқали хорижий компаниялар иштирокида БПО хизматларини ривожлантириш, ИТ маҳсулот ва хизматлар экспортини ошириш, ёшларни АКТ соҳасига кенг жалб қилиш ҳамда юқори маошли иш билан таъминлаш мақсад қилингани таъкидланди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер