Шеробод туманига янги ҳоким тайинланди

11:30 03 Декабрь 2020 Жамият
3754 0

Халқ депутатлари Шеробод тумани Кенгашининг бугун ўтказилган навбатдан ташқари сессиясида ташкилий масала кўрилди. Амиров Алишер Хуррамович бошқа ишга ўтганлиги муносабати билан туман ҳокими вазифасидан озод қилинди. 

Жарқўрғон тумани ҳокими лавозимида фаолият юритиб келаётган Давлатов Зиёдулла Ўроқович Шеробод тумани ҳокими этиб тасдиқланди.

З.Давлатов 1974 йилнинг 3 мартида Термиз туманида туғилган. 2006 йилда Тошкент давлат иқтисодиёт университети, 2007 йилда Ўзбекистон Республикаси Президенти ҳузуридаги Давлат бошқаруви академиясини тамомлаган.

2007-2010 йилларда АТ Халқ банки ички аудит бошқармаси бошлиғи, кредит департаменти директори, 2010-2013 йилларда АТ Халқ банки Тошкент вилояти филиали бошлиғи, 2013-2017 йилларда Сурхондарё вилояти  ҳокимининг иқтисодиёт ва ижтимоий ривожлантириш масалалари бўйича ўринбосари,  2017 йилдан то шу кунгача Жарқўрғон тумани ҳокими лавозимида ишлаган.

Сессияда Сурхондарё вилояти ҳокими Тўра Боболов иштирок этди ва сўзга чиқди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?