Шахмат бўйича Ўзбекистон терма жамоаси Қуддусда ўтказилаётган жаҳон чемпионатининг финалига йўл олди

16:24 25 Ноябрь 2022 Спорт
375 0

Шахмат бўйича Ўзбекистон терма жамоаси Мисрнинг Қуддус шаҳрида бўлиб ўтаётган Шахмат бўйича ФИДE жаҳон чемпионати финалига йўл олди.

Ўзбекистон шахматчилари ярим финал баҳсида турнирнинг энг кучли жамоаларидан бири - Ҳиндистон вакилларини икки раундга кўра 2:2 ва 2,5:1,5 ҳисобида мағлуб этишди.

Жаҳон чемпионатида Ўзбекистон миллий жамоаси шарафини Нодирбек Ёқуббоев, Жавоҳир Синдоров, Жаҳонгир Воҳидов, Шамсиддин Воҳидов, Абдималик Абдисалимов ва Ортиқ Нигматов ҳимоя қилишмоқда. Жамоа сардори ва мураббийи — нидерландиялик Иван Цоколов.

Ўзбекистонлик шахматчилар финалга қадар гуруҳда АҚШ (2,5-1.5), Исроил (2,5-1,5) ва Ҳиндистонни (3,5-0,5) мағлуб этиб, Полша (2:2) билан дуранг натижага эришишди, фақат Озарбайжонга (1,5-2,5) ютқазишди.

Кеча бўлиб ўтган чорак финалда Украинани 2 та раунд (3:1 ва 2,5:1,5) якунига кўра таслим этишди.

Бугун жаҳон чемпионлиги учун кечадиган баҳсда Ўзбекистон шахматчилари Хитой терма жамоасига қарши дона сурадилар.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?