Саудия Арабистонининг энг йирик университети билан ҳамкорлик йўлга қўйилади

19:10 19 Август 2022 Жамият
570 0

Инновацион ривожланиш вазири Иброҳим Абдураҳмонов Жидда шаҳридаги Қирол Абдулазиз номидаги университетига ташриф буюриб, университет вице-президенти, проф Тавфик Ал-Хял (prof. Tawfeek A. Al.Khyal) ҳамда университетининг Халқаро муносабатлар бўйича раҳбари (prof. Abdulrahman M.Al-Wahhabi) билан учрашди.

Қирол Абдулазиз университети Саудия Арабистонининг энг катта университети бўлиб, унинг таркибида бир нечта тадқиқот марказлари мавжуд. 

Ташриф чоғида Ўзбекистонлик меҳмонларга университетнинг шифохона кўринишида ташкил этилган Тиббий ўқув маркази, Стартапларни ривожлантириш марказларини намойиш этилиб, мазкур марказларнинг иш жараёнлари билан таништирилди. И. Абдураҳмонов, шунингдек, биотехнологиялар, генетик тиббий тадқиқотлар ўтказиладиган тиббий тадқиқотлар маркази фаолияти билан яқиндан танишди.

Ташриф давомида икки давлат олимлари ҳамкорлигида қўшма илмий лойиҳаларни амалга ошириш, олимларни стажировкаларга юбориш ва ўзаро тажриба алмашиш масалалари бўйича келишиб олинди.

Шу билан бирга Қирол Абдулазиз университети ва Инновацион ривожланиш вазирлиги билан ҳамкорликда янги марказ ташкил этиш таклифи муҳокама этилди. Университет вакилларидан иборат делегация Тошкент шаҳрида жорий йилнинг октябрь ойида бўлиб ўтадиган "InnoWeek-2022» инновацион ғоялар ҳафталигига ташриф буюрганида, марказ ташкил этиш масаласи батафсил муҳокама этилишига келишилди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер