Фото: Бош прокуратура ҳузуридаги Департамент

Бош прокуратура ҳузуридаги Департамент Учтепа туманида кучли таъсир қилувчи дори воситалари савдоси билан шуғулланиб келган шахсларни қўлга туширди. Бу ҳақда Департаментнинг матбуот хизмати хабар берди.

Маълум бўлишича, Бош прокуратура ҳузуридаги Департаментнинг Учтепа тумани бўлими ва ДХХ ходимлари ҳамкорлигида ўтказилган тезкор тадбирда дори воситалари савдоси билан шуғулланиб келган фуқаролар Ш.Т. ва Д.Т. ушлаган.

Улар фуқаро А.А.га жами 10 қути «TAWON LIAR» номли дори воситасини 2,2 миллион сўмга сотган вақтида ушланиб, уларнинг «Spark» русумли автотранспорт воситаси юк хонасидан 13 турдаги жами 1,482 минг дона инсон руҳиятига кучли таъсир қилувчи дори воситалари ашёвий далил сифатида олинган.

«Мазкур ҳолат юзасидан Жиноят кодексининг 251-1-моддаси (кучли таъсир қилувчи ёки заҳарли моддаларни қонунга хилоф равишда муомалага киритиш) билан жиноят иши қўзғатилиб, тергов ҳаракатлари ўтказилмоқда», дейилади хабарда.

Аввалроқ, ҳайдовчилик гувоҳномасини олиб беришни ваъда қилган фирибгарлар ушланганди.