Рональд Куман «Барселона» бош мураббийи лавозимидан озод этилди
Фото: Global Look Press
Рональд Куман Испаниянинг «Барселона» футбол клуби бош мураббийи лавозимидан озод этилди. Бу ҳақда клуб томонидан расман маълум қилинди.
«Барселона» унга клуб олдидаги хизматлари учун миннатдорчилик билдиради ва профессионал фаолиятида муваффақиятлар тилайди», дейилади жамоа баёнотида. Таъкидланишича, бугун Куман жамоа билан расман хайрлашади.
Бундай қарорга келинишига, «Барселона» 27 октябрь куни Испания чемпионати доирасида «Райо Валекано»га 0:1 ҳисобида имкониятни бой бергани сабаб бўлган. Ўтган турда эса жамоа «Реал Мадрид» 1:2 ҳисобида ютқазиб қўйган эди. Мамлакат чемпионатида «Барселона» 10 та ўйинда 15 очко тўплаб, турнир жадвалида 9-ўринни эгаллаб турибди.
Чемпионлар лигасида эса уч турнинг биттасида ғалабага эришган. Жамоа «Бенфика» ва «Бавария»га бир хил — 0:3 ҳисобида мағлуби бўлган ва ўз гуруҳида учинчи ўринни эгаллаб турибди.
Куман 2020 йилнинг августида «Барселона»га бош мураббий бўлган эди. Ўтган вақт мобайнида 67 ўйинда жамоани бошқарган мураббий 40 учрашувда ғалаба қозонган.
Тавсия этамиз
Кўп ўқилганлар
- Ҳокимлик Тошкентни “юва бошлади“. Хўш, сув сепиш ҳаво ифлосланишини камайтирадими?
- «Адабиёт ва ҳаёт»: Султонбой Деҳқоновнинг шахсий фотокўргазмаси очилди (+фоторепортаж)
- Янгиланаётган Марказий Осиё: бирлик, дўстлик ва ҳамкорликнинг янги босқичи
- Ногиронлиги бўлган фуқароларга 30 млн сўмгача фоизсиз ссуда ажратилади
- Камбағалликни қисқартириш: пул эмас, ақл-идрок ва билим муҳим
- Ўзбекистонда хотин-қизларга нисбатан рақамли зўравонликка барҳам бериш бўйича 16 кунлик кампания бошланди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг