Қурилиш-монтаж ишлари сабаб айрим автобус йўналишларининг ҳаракатига ўзгартириш киритилди

16:11 23 Ноябрь 2022 Жамият
261 0

Тошкент метрополитенининг ер усти ҳалқа йўналишини навбатдаги босқичини қуриш ишлари доирасида ТҲАЙ бўйлаб «Қўйлиқ 1-мавзеси» сўнгги бекати томонга кириш йўли қисмида қурилиш-монтаж ишларини олиб борилиши сабабли автотранспорт воситаларининг ҳаракати вақтинчалик чекланди.

Шу муносабат билан, 2022 йил 23 ноябрь кунидан бошлаб, мазкур кўчалардан ҳаракатланувчи 15-,119- ва 185-сонли автобус йўналишларининг ҳаракатига қуйидагича ўзгартириш киритилди:

— 15-сонли «Қўйлиқ 1-мавзеси - Дўстлик метроси» автобус йўналишининг ҳаракати «Қўйлиқ-1 мавзеси» бекатидан Мунис, Фарғона йўли, Қўйлиқ Ота, ТҲАЙ кўчалари орқали «Қўйлиқ деҳқон бозори» бекатигача ва ўз йўналишини давом эттирган ҳолда;

— 119-сонли «Қўйлиқ 1-мавзеси – Юнусобод деҳқон бозори» автобус йўналишининг ҳаракати ТҲАЙ бўйлаб «Қўйлиқ-4 мавзеси» бекатигача узайтирилган ҳолда;

— 185-сонли «Қўйлиқ 1-мавзеси – Баркамол маҳалласи» автобус йўналишининг ҳаракати тўғри йўналишда «Қўйлиқ-1 мавзеси» бекатидан Мунис, Фарғона йўли, Қўйлиқ Ота, ТҲАЙ кўчалари орқали «Қўйлиқ деҳқон бозори» бекатигача ва ўз йўналишини давом эттирган ҳолда, қайтиш йўналишида Бектемир кўчасидан Фарғона йўли, Мунис кўчалари орқали «Қўйлиқ-1 мавзеси» бекатигача ташкил этилган.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?