«Қозон — 2021»: ўзбекистонлик белбоғли курашчилар ҳисобида ҳозирча 6 та медаль бор

19:36 05 Сентябр 2021 Спорт
316 0

Хабарингиз бор, шу йил 4 сентябрь куни Россия Федерациясининг Қозон шаҳрида илк маротаба ўтказилаётган МДҲ давлатлари ўйинларига старт берилди.

Мазкур ўйинлар дастуридан белбоғли кураш спорт тури ҳам ўрин олган. Нуфузли мусобақада белбоғли кураш бўйича 14 нафар курашчимиз иштирок этишмоқда.

Қувонарлиси, 5 сентябрь куни ўтказилган беллашувларда терма жамоа аъзоларидан Фарангиз Абдунабиева (-52 кг, олтин медаль), Мафтунабону Маҳмудова (-66 кг, олтин медаль), Мохигул Ибрагимова (-48 кг, кумуш медаль), Бийбигаухар Полатбаева (-58 кг, кумуш медаль), Земфира Азатова (-76 кг, кумуш медаль), Мунисахон Носирова (+76 кг, бронза медали)лар 2 та олтин, учта кумуш ва битта бронза медалини қўлга киритиб, умумжамоа ҳисобида 4-ўринни эгаллашди. Бу ҳақда Туризм ва спорт вазирлиги матбуот хизмати хабар берди.

Белбоғли кураш бўйича умумжамоа ҳисобида ҳозирча Россия терма жамоаси 1-ўринни эгаллаб турган бўлса, Озарбайжон иккинчи, Беларус эса 3-ўринни банд этиб турибди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?